«Педагог мәртебесі туралы» Заңға түсініктеме
ҚАҒИДАТТАРЫ

2021 жылғы 27 наурыз күні колледж заңгері Нұрғалиев Ержан Мәжитұлының «Педагог мәртебесі туралы» Заңға түсініктеме беру» тақырыбында педагогикалық және студенттік ұжыммен кездесуі өтті. Кездесу ZOOM платформасы арқылы онлайн режимінде өтті.
Іс-шараның шымылдығын саясаттану ғылымдарының докторы, колледж директоры Гаипов Зулфухар Сұлтанұлы ашты. Зулфухар Сұлтанұлы өзінің кіріспе сөзінде кездесу қонағын таныстырып, жиналғандарды «Педагог мәртебесі туралы» Заңның қабылдану тарихымен және оның іс жүзінде қолданылуымен таныстырды.
Директордың ашылу сөзінен кейін Ержан Мәжитұлы Қазақстан Республикасының Әкімшілік құқық бұзушылық туралы кодексінің 409-бабына тоқталып, мемлекет тарапынан көтермелеу және мұғалімдерге қосымша ақы төлеу, педагогикалық кадрлардың біліктілігін арттыру және қайта даярлау және тұрғын үймен қамтамасыз ету туралы сөз қозғады.
Соңында, Нұрғалиев Е.М. барлық сұрақтарға жауап беріп, тиісті мамандандырылған органдармен әрі қарай байланысу бойынша ұсыныстарды қабылдады.
Колледж директоры Ержан Мәжитұлына қызықты презентация үшін, ал барлық қатысушыларға қызығушылық танытқандары және қызу талқылау үшін алғыс айтты.