| 14 сәуір 2016
2016 жылғы 12 сәуірде колледждің психологиялық қызметі "Құқық" Қоғамдық қорының заңгері Н.К. Қожахметов және психолог О. В. Саратовамен бірлесіп, кәмелетке толмаған студенттермен "Жасөспірімдер арасындағы нашақорлықтың алдын-алу" тақырыбында тренинг өткізді.
Есiрткiлердiң заңсыз айналымы аясындағы әкімшілік және қылмыстық заңнамалардағы өзгерiстерді түсiндірді. Есiрткiнің түрлері және олардың зияны, есiрткiлердi қолданудың зардабы туралы айтылды.
Осы іс-шараның басты мақсаты - есірткіге байланысты мәселелермен жасөспірімдерді хабардар ету деңгейін арттыру; есірткі қолданудың алдын-алу, оның жүйкеге әсер ететін себептері мен салдары туралы сенімді ақпараттармен таныстыру.
Заңгер Н.К. Қажахметов нашақорлықтың алдын алу кешені- әлеуметтік, білім беру және медициналық-психологиялық іс-шараларын қамтитынын түсіндірді.
Нашақорлық пен уытқұмарлықтың алдын алу бойынша іс-шаралар негізінен жасөспірімдер мен жастарға бағытталған, осылайша, нашақорлықтың алдын-алудың басым бағыты оқу орындары болып табылады.
Өзінің презентациясында студенттерге есірткінің кең тараған түрлерін айтты, сондай-ақ, кез-келген жеңіл немесе ауыр есірткі заттарының адам ағзасындағы қайтымсыз әсерлерін атап өтті. Жасөспірімдердің есірткі заттарын сақтау және таратуы қылмыстық жауапкершілік әкеліп соғатынын ескертті.
"Құқық" Қоғамдық қорының психологы О. В. Саратова студенттерге өмірдегі әр түрлі жағдайларды қолдана отырып, пікір-талас түрінде, рөлдік ойындар мен жаттығулар арқылы тренинг өткізді. Оған студенттер белсенді қатысты.
Тренинг соңында "Құқық" Қоғамдық қорының мамандарымен рефлексия өткізілді, қорытындылары шығарылды және ұсыныстар берілді.
А.Шинтемирова, Л.Баржукова
