| 22 сәуір 2016
2016 жылғы 20 мамырда алғашқы әскери дайындық оқытушыларының ұйымдастыруымен 2016 жылдың наурыз- сәуір айлары аралығында өткізілген қалалық командалық конкурс өз мәресіне жетті.
Байқау үш кезеңді қамтыды: Әскери-патриоттық тәрбиелеу және АӘД пәні бойынша құжаттамалар және оқу-материалдық базасы; қала аудандары бойынша мектеп және колледждердің АӘД ұйымдастырушы – 
оқытушыларын іріктеу туры; финал. Біздің колледж атынан алғашқы әскери дайындық пәнінің оқытушысы Сәрсенбаев Біржан Дәулетханұлы қатысты.
Конкурстың финалдық бөлігінде: ән және сап түзеу, АӘД пәні бойынша тестілік тапсырмаларды тапсыру және «Бейінді оқыту мазмұнын жаңарту жағдайында АӘД оқытушы – ұйымдастырушысының психологиялық-педагогикалық дайындығы» тақырыбында эссе, «Отан қорғаушы» нормативтері бойынша командалық эстафета жүргізілді. Б.Д.Сәрсенбаевтың эссе тапсырмасы «үздік»- деп танылды. АӘД ұйымдастырушы-
оқытушыларының қалалық байқаудың қорытындысы бойынша Біржан Даулетханұлы II орынға ие болды.
Сондай-ақ, Қазақстан Республикасы Тәуелсіздігінің мерейлі жылының іс-шаралары аясында, «Отанымның болашағы – Жас ұлан!» атты авторлық әскери-патриоттық әндердің ІІ қалалық конкурсы өтті. Конкурсқа қатысқан 2ППС-214 тобының студенті Өскенбаев Құрбанбай өзінің авторлық әнін орындап, дипломмен марапатталды.
Жеңімпаздарды құттықтаймыз және оларға шығармашылық табыс тілейміз!
Директордың ОӘЖ жөніндегі орынбасары Л. И. Матвеева
